രാജ്യത്തെ സാധാരണ പൗരന്‍മാര്‍ക്ക് ജുഡീഷ്യല്‍ ഹിയറിങുകളുടെ സുതാര്യത ലഭ്യമാക്കുന്നതിന്റെ ഭാഗമായി എല്ലാ കോടതി നടപടികളുടേയും തത്സമയ സ്ട്രീംമിങ് ആരംഭിച്ച് സുപ്രീംകോടതി. ഇതുവരെ ദേശീയ പ്രാധാന്യമുള്ള വിചാരണകളും മറ്റുമാണ് സുപ്രീംകോടതി സംപ്രേഷണം ചെയ്തിരുന്നത്. https://appstreaming.sci.gov.in എന്ന ലിങ്കില്‍ ഇനി മുതല്‍ തത്സമയ സ്ട്രീമിങ് കാണാന്‍ കഴിയും.
സ്വപ്‌നില്‍ ത്രിപാഠി (2018) കേസിലെ വിധിയില്‍ കോടതി നടപടികള്‍ തത്സമയം സംപ്രേഷണം ചെയ്യുന്നതിനെ സുപ്രീംകോടതി അനുകൂലിച്ചിരുന്നു. അതിനുശേഷം രാജ്യത്തിന്റെ എല്ലാ മുക്കിലും മൂലയിലുമുള്ള പൗരന്‍മാര്‍ക്ക് സുപ്രീംകോടതിയുടെ നടപടികള്‍ കാണുന്നതിനായി തത്സമയ സംപ്രേഷണം ചെയ്യാന്‍ കോടതി തീരുമാനിക്കുകയായിരുന്നു.