തിരുവനന്തപുരം:വിഴിഞ്ഞം വെങ്ങാനൂർ പൗർണ്ണമിക്കാവ് ശ്രീ ബാല ത്രിപുര സുന്ദരീ ദേവീ ക്ഷേത്രത്തിൽ ഈ വർഷത്തെ പൗർണ്ണമി മഹോത്സവം ഒക്ടോബർ 9 മുതൽ 17 വരെ നടക്കും. വൈകുന്നേരം 4 മണി മുതൽ 6 വരെ ആദ്ധ്യാത്മിക സദസും രാവിലെ 10 മുതൽ രാത്രി 8. 30 വരെ നൃത്തസംഗീതോത്സവവും ഉണ്ടായിരിക്കുന്നതാണ്.
എല്ലാ ദിവസവും യാഗശാലയിൽ ഗണപതി ഹോമം, കാര്യസിദ്ധി പൂജ,ശനിദോഷശാന്തി പൂജ,മൃത്യുഞ്ജയ ഹോമം,മഹാപ്രത്യംഗരീ ഹോമം,ഉമാമഹേശ്വര പൂജ,വിദ്യാവിജയ പൂജ,ലക്ഷ്മി കുബേര പൂജ,നാഗദേവതാ പ്രീതി പൂജ,സർവ ശാപദോഷ ശാന്തിപൂജ,
പറ സമർപ്പണം,വലിയ ഗുരുസി എന്നീ പൂജകൾ നടക്കുന്നതാണ്.
51 അക്ഷര ദേവതകളെ പ്രതിഷ്ഠിച്ചിട്ടുള്ള പൗർണ്ണമിക്കാവിൽ അക്ഷരാരംഭം കുറിക്കാനും തൊഴിലുമായി ബന്ധപ്പെട്ട വിദ്യകൾ പഠിക്കാനുള്ള വിദ്യാരംഭത്തിനും ആഗ്രഹിക്കുന്നവർ 9037850001 എന്ന നമ്പരിൽ രജിസ്റ്റർ ചെയ്യണം.ഒക്ടോബർ 9 മുതൽ 17 വരെ
നൃത്ത സംഗീത പരിപാടികൾ,വാദ്യോപകരണ മേളം,നാമജപം,ലളിതാസഹസ്രനാമ പാരായണം,ദേവീ മാഹാത്മ്യ പാരായണം,ഭജന,ആദ്ധ്യാത്മിക പ്രഭാഷണം തുടങ്ങിയ പരിപാടികൾ സമർപ്പണമായി നടത്താൻ ആഗ്രഹിക്കുന്ന വ്യക്തികളും സംഘടനകളും 9744401175 എന്ന നമ്പരിൽ ബന്ധപ്പെടണം.ഒക്ടോബർ 14ന് ഗുരുസ്വാമി മുരുകൻ കാച്ചാണിയുടെ കാർമ്മികത്വത്തിൽ നടക്കുന്ന കാവടി അഭിഷേകത്തിലും അഗ്നിവിളയാട്ടത്തിലും ഇടുമ്പൻ പൂജയിലും കാവടി എടുക്കാൻ ആഗ്രഹിക്കുന്നവർ 9037850001 എന്ന നമ്പരിൽ രജിസ്റ്റർ ചെയ്യണമെന്ന് ക്ഷേത്രം ഭാരവാഹികൾ അറിയിച്ചു..