നിവിന്‍ പോളിക്കെതിരായ ബലാല്‍സംഗ കേസിലെ പരാതി വ്യാജമെന്ന് ചൂണ്ടിക്കാട്ടി നടനും സംവിധായകനുമായ വിനീത് ശ്രീനിവാസന്‍ ഇന്നലെ രംഗത്തെത്തിയിരുന്നു. ഇപ്പോഴിതാ നടി പാര്‍വതി ആര്‍ കൃഷ്ണയും ഇക്കാര്യം പറഞ്ഞ് രംഗത്തെത്തിയിരിക്കുകയാണ്. 2023 ഡിസംബര്‍ 14 ന് വിനീത് ശ്രീനിവാസന്‍ സംവിധാനം ചെയ്ത വര്‍ഷങ്ങള്‍ക്ക് ശേഷം സിനിമയുടെ ചിത്രീകരണത്തില്‍ നിവിന്‍ പോളിക്കൊപ്പം താന്‍ പങ്കെടുത്തിരുന്ന് പാര്‍വതി പറയുന്നു. ചിത്രത്തില്‍ നിവിന്‍ പോളിക്കൊപ്പം എത്തുന്ന രംഗത്തിലെ അതേ കോസ്റ്റ്യൂമില്‍ ഉള്ള വീഡിയോ മൊബൈലില്‍ ചിത്രീകരിച്ച ഡേറ്റ് അടക്കം ശ്രദ്ധയില്‍ പെടുത്തിക്കൊണ്ടാണ് സോഷ്യല്‍ മീഡിയയിലൂടെ പാര്‍വതി രംഗത്തെത്തിയിരിക്കുന്നത്.
