നെയ്യാർഡാം:കോട്ടൂർ ദീപാലങ്കാര കൂട്ടായ്മയുടെ പന്ത്രണ്ടാമത് ഓണം- ടൂറിസം വാരാഘോഷം സെപ്റ്റംബർ 14 മുതൽ 16 വരെ കോട്ടൂർ ജംഗ്ഷനിൽ നടക്കും.
ഉദ്ഘാടന സമ്മേളനം, പുരസ്കാര സമർപ്പണം, മെഗാ തിരുവാതിര, നാട്യവിസ്മയം, കവിയരങ്ങു,ഇശൽ നിലാവ്, ജൈവ- കാർഷിക കരകൗശല- പ്രദർശന- വിപണന മേള, തോലാട്ടം, ഓണക്കോടി- ഓണക്കിറ്റ് വിതരണം, എന്നിവ ഉണ്ടായിരിക്കും. സെപ്റ്റംബർ 14 ശനിയാഴ്ച രാവിലെ 9 മണിക്ക് പ്രകൃതീയം ഗ്രാമ ചന്ത, ഉദ്ഘാടനം ശ്രീ. ബാലചന്ദ്രൻ നായർ (കൃഷി ഓഫീസർ കുറ്റിച്ചൽ) ഉച്ചയ്ക്ക് 2 മണി മുതൽ കോട്ടൂരിലെ ഭിന്നശേഷി കൂട്ടുകാർക്കായുള്ള ഓണക്കിറ്റ്- പുതുവസ്ത്ര വിതരണം.
വൈകിട്ട് 3 മണിക്ക് ഓണക്കോടി- ഓണക്കിറ്റ് വിതരണം( ഉദ്ഘാടനം കുറ്റിച്ചൽ രാധാകൃഷ്ണൻ ആർ. കെ ഗ്രൂപ്പ് ഉടമ)
വൈകുന്നേരം 5 മണിക്ക് കോട്ടൂർ ഇക്കോ ടൂറിസം ഫെസ്റ്റിന്റെ ഉദ്ഘാടന സമ്മേളനവും പുരസ്കാര സമർപ്പണവും (ഉദ്ഘാടനം കേരള നിയമസഭാ സെക്രട്ടറി ഡോക്ടർ എൻ. കൃഷ്ണകുമാർ)
രാത്രി 7 മണി മുതൽ ശലഭവർണ്ണം. അഗസ്ത്യന്റെ പൂമ്പാറ്റകൾ അവതരിപ്പിക്കുന്ന വിവിധ പരിപാടികൾ.
സെപ്റ്റംബർ 15 ഞായർ വൈകുന്നേരം 6. 30 മുതൽ തോലാട്ടം,വനിതാ ശിങ്കാരിമേളം.
7.30 മുതൽ നാട്യവിസ്മയം വിസ്മയം (കോട്ടൂർ ഗീതാഞ്ജലി ഡാൻസ് അക്കാദമി അവതരിപ്പിക്കുന്ന ഡാൻസ് പ്രോഗ്രാം )
സെപ്റ്റംബർ 16 തിങ്കൾ വൈകുന്നേരം 6. 30ന് ഇശൽ നിലാവ് (ദഫ് മുട്ട്,ഒപ്പന, മാപ്പിളപ്പാട്ടുകൾ) രാത്രി 7. 30ന് വീര നാട്യം തിരുവനന്തപുരം നൃത്തനാട്യ അവതരിപ്പിക്കുന്ന തിരുവാതിര- കൈകൊട്ടിക്കളി എന്നിവ ഉണ്ടായിരിക്കുമെന്ന് സംഘാടകസമിതി അറിയിച്ചു.