സംസ്ഥാനത്ത് കാലവര്ഷക്കെടുതി രൂക്ഷമായ സാഹചര്യത്തില് ജൂലായ് മാസത്തെ റേഷന് വിതരണം ഓഗസ്റ്റ് 2 വരെ നീട്ടിയതായി ഭക്ഷ്യ പൊതുവിതരണ വകുപ്പ് മന്ത്രി ജി ആര് അനില്.
കാലവര്ഷം രൂക്ഷമായ സാഹചര്യത്തില് റേഷൻ കാര്ഡ് ഉടമകള്ക്ക് റേഷന് വാങ്ങുന്നതിന് തടസ്സം നേരിടുന്നത് മനസിലാക്കിയ സാഹചര്യത്തിലാണ് രണ്ട് ദിവസം കൂടി ജൂലായ് മാസത്തെ റേഷന് വിതരണം നീട്ടുന്നത്.
സ്റ്റോക്ക് തിട്ടപ്പെടുത്തുന്നതിനായി വ്യാപാരികള്ക്ക് അനുവദിച്ചിട്ടുള്ള അവധി ആഗസ്റ്റ് 3-ന് ആയിരിക്കും. ആഗസ്റ്റ് അഞ്ച് മുതല് ആഗസ്റ്റ് മാസത്തെ റേഷന് വിതരണം ആരംഭിക്കുമെന്നും മന്ത്രി അറിയിച്ചു.