ചെറു തോണി: 21 മുതൽ 25 വരെ ചൈനയിലെ ലുവോ യാങ്കിൽ നടക്കുന്ന ലോക ജൂനിയർ ട്രാക്ക് സൈക്കിളിങ് ചാംബ്യൻഷിപ്പിൽ ഇടുക്കി ജില്ല സൈക്ലിങ് താരം അനക് സിയ മരിയ തോമസ്.
ചേറ്റുകുഴി സ്വദേശിനിയായ അനക് സിയ ലോകചാംബ്യൻഷിപ്പിൽ ടീം സ്പ്രിൻ്റിലും വ്യക്തിഗത ടൈം ട്രയലിലുമാണ് മത്സരിക്കുന്നത്. ദേശീയ സൈക്ലിംഗ് ചാംബ്യൻഷിപ്പുകളിൽ ധാരാളം മെഡലുകൾ നേടിയിട്ടുള്ള അനക് സിയ തിരുവനന്തപുരം മാധവ വിലാസം മെമ്മോറിയൽ ഹയർ സെക്കൻഡറി സ്കൂളിൽ പ്ലസ് ടു വിദ്യാർത്ഥിനിയാണ്. തിരുവനന്തപുരം സായിയിൽ പരിശീലനം നടത്തിവരുന്ന താരം ചേറ്റുകുഴി പാറക്കൽ ജിനോ ഉമ്മൻറെയും ബിന്ദുവിൻറെയും മകളാണ്. ദേശീയ സൈക്കിളിങ് താരം അക്സ സഹോദരിയാണ്.