പ്രധാനമന്ത്രിക്ക് വി.കെ സിംഗിനോട് അതൃപ്തി

ദില്ലി: പാക്കിസ്ഥാന്‍റെ ദേശീയ ദിനഘോഷത്തില്‍ വിദേശകാര്യ സഹമന്ത്രി വി.കെ. സിംഗ് പങ്കെടുത്തതിനെ തുടര്‍ന്ന് ഉണ്ടായ വിവാദത്തില്‍ പ്രധാനമന്ത്രി നരേന്ദ്ര മോദി  സിംഗിനെ വിളിച്ചു തന്റെ അതൃപ്തി അറിയിച്ചതായി വാര്‍ത്ത. സംഭവത്തില്‍ അനാവശ്യവിവാദങ്ങള്‍ സര്‍ക്കാരിന്റെ പ്രതിഛായയെ ബാധിച്ചെന്ന് പ്രധാമന്ത്രി വി.കെ സിംഗിനോട് പറഞ്ഞതായാണു റിപ്പോര്‍ട്ടുകള്‍.

തിങ്കളാഴ്ച ദില്ലിയിലെ പാക് ഹൈകമ്മിഷനില്‍ കേന്ദ്രസര്‍ക്കാരിന്റെ പ്രതിനിധിയായി വിദേശകാര്യ സഹമന്ത്രിയ വി.കെ. സിംഗ് പങ്കെടുത്തിരുന്നു. ചടങ്ങില്‍ പങ്കെടുത്ത ശേഷം അദ്ദേഹം നടത്തിയ ട്വീറ്റുകളാണ് വിവാദമായത്.

ചടങ്ങില്‍ സംബന്ധിച്ചത് മനസ്സില്ലാ മനസ്സോടെ ആയിരുന്നു എന്നും  വെറുപ്പുളവാക്കിയെന്നുമായിരുന്നു വി.കെ. സിംഗിന്റെ ട്വീറ്റ്.

ഇതേത്തുടര്‍ന്ന് വി കെ സിംഗ് രാജിവെക്കണമെന്നാവശ്യപ്പെട്ട് പ്രതിപക്ഷ കക്ഷികള്‍ രംഗത്തെത്തിയിരുന്നു. ഈ സാഹചര്യത്തിലാണ് പ്രധാനമന്ത്രി വി കെ സിംഗിനെ വിളിച്ചു വരുത്തി അതൃപ്തി അറിയിച്ചത്. എന്നാല്‍ താന്‍ സര്‍ക്കാരില്‍ നിന്ന് രാജി സന്നദ്ധത അറിയിച്ചതായുള്ള വാര്‍ത്തകള്‍ സിംഗ് നിഷേധിച്ചു.

Add a Comment

Your email address will not be published. Required fields are marked *